Galxamur

Waxaa Gobolka Oklahama ee Maraykanka ka dhacay Duufaan (Tornado) xoogan oo Guryo badan baabi'isay dad farabadan oo 90 kur u dhaafayana ay ku dhinteen. Dhaawaxana waxaa la sheegay inuu 120 kor u dhaafay. Dadka dhintay ayaa la sheegay ilaa 20 inay Carruur yihiin.

Waddanka Ruushka ayaa waxaa la sheegay inay waddanka Suuriya u soo gudbiyeen gantaal casri ah oo Maraakiibta dagaalka lagu gano. Gantaalada ayaa waxa la sheegay inay 72 Xabo dhanyihiin iyo 36 Gaari oo lagu qaado Gantaaladaa. Gantaalada ayaa waxaa la sheegay inaysan waxba ka tarayn la dagaalanka jabhadda dagaalka kula jirta Xukuumada Suuriya, laakiin ay ka hortagi karaan haddii wadamo shisheeye ay soo farageliyaan si ay u caawiyaan Mucaaradka suuriya.

Intaa kuma ekee waxaa la sheegay in Ruushku rabo inuu Gantaalo kale oo Casri ah u soo gudbiyo Suuriya.

Waxaa Qarax aad u culus ka dhacay Magaalo kutaal Xuduuda Turkiga iyo Suuriya. Qaraxaa ayaa waxaa ku dhintay ugu yaraan 42 Qof waxaana ku dhaawacmay in Boqol ka badan. Qaraxa ayaa wuxuu ahaa mid lagu soo qariyey Haanta Baasiinka ee Gaari.

Xukuumada Turkiya ayaa waxaa ay ku eedeeyeen Xukuumada Suuriya inay ka danbeeyeen Qaraxaa foosha xun.

Ra'iisul Wasaaraka Dalka Turkiga ayaa waxaa uu Wadanka Suuriya ku eedeeyey inay isticmaaleen Gaaska Sunta ah.

Sida Warar kala duwan sheegeen Wadanka Ruushka ayaa waxaa ay qorshaynayaan inay Syria u soo gudbiyaan Gantaal casri ah oo Hawada lagu difaaco.

Waxaa Heshiis Taariikhi ah galay Dowladda Turkiga iyo Jabhadda PKK oo mudo 30 Sano ka badan dagaal kula jirtey xukuumadda Turkiga. Madaxa Jabhadda PKK ayaa waxaa uu sheegay in Jabaddiisa ugu danbeyn 8 Bisha May ay ka guuri doonaan meelaha Saldhiga u ah ee Tarkiga ayna u guuri doonaan Waqooyiga Ciraaq.

 

Duqa Magaalada New York ayaa waxaa uu sheegay in Nimankii asbuuc ka hor Qaraxa ka geytey Magaalada Boston ay rabeen inay qaraxaa oo kale meesha bartamaha Magaalada New York ee Times Square ka fuliyaan. Markii ay Qaraxa Boston fuliyeen ayaa waxaa ay afduubteen Gaari yar, meel dhexe markay marayaanse waxaa ay dareemeen in Gaarigay ay wateen baasiinkii ka dhamaaday markaa ayey meesha baasiinka Baabuurta istaageen, saa awgeed Qodkii lahaa Gaariga ay afduubeen oo ay wateen ayaa ka fakaday kadibna Booliska ku wargeleyey Booliskiina markaa ayay raacdeeyeen.

Kadib raadraac weyn iyo dagaal 2 dii Nin mid ayaa dhintay midna asagoo dhaawac cuslus ay ayaa Nolol lagu qabtay ka dibna Isbitaaal la geeyey, waxaana laga soo oogey dacwad.

Wadanka Syria ayaa waxaa lagu eedeeyey inay u adeeg sadeen Dagaalka u shexeeya iyaga iyo Jabhadda Mucaaradka ku Gaaska Sunta ah. Saas waxaa yiri Hay'adaha sirdoonka ee Reer Galbeedka sida UK iyo USA iwm. Wadanka Siiriya ayaa waxaa ka socdey sanadihii ugu danbeeyey Dagaal aad u Kharaar oo lagu hoobtay ina dhexeeya Xukuumadda Suuriya iyo Macaaradka Waddankaa. Dad aad iyo aad u Farabadan oo lagu qiyaasay in kor u dhaafaysa 70 kun ayaa ku dhintay ilaa hadda dagaalka, Malyan in kor u dhaafaysana waxaa ay u qaxeen Waddamada Deriska la ah Syria.

Booliska Waddanka Kanada ayaa waxaa ay shegeen in ay fashileen Qarax la rabey in Tareen lala beegsado. 2 Nin ayaa waxaa ay rabeen inay Qaraxa fuliyaan lana beegsadaan Tareen ka shaqeeya Kanada-USA oo New York u socdey. Qaraxa ayaa waxaa la rabey inay Buundo ku rakibaan.

Ragga rabey inay Qaraxa Fuliyaan ayaa waxaa ay ku noolyihiin Kanada, waxaase la sheegay inaysan haysan dhalashada Kanada wadanka ay kasoo jeedaanna lama sheegin.

Waxaa maanta Qarax lala begsaday Safaardda Faransiiska ee Libya. Qaraxaa oo ahaa mid Gaari lagu rakibay ayaa waxaa uu dhaliyey khasare aan saa u weyneyn. 2 Nin oo Safaarada waardiye u ahaa ayaa ku dhaawacmay dhismaha Safaaradana waxaa soo gaarey bur bur. Ilaa hadda ayaan la shaacin cida ka danbeysey Qaraxan iyo sababta.

Page 4 of 6
« December 2017 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

JSN Gruve template designed by JoomlaShine.com